مين من الأمهات بتعاني إن ابنها لما بيغلط بيستسهل كلمة ( آسف ) ؟وللأسف لما الأخطاء بتكون متكررة بيبقا قدامنا حاجة من الاتنين : يا بنزهق من الكلمة بقا ونقول يعني هعمل إيه بآسف دي !! وساعتها الطفل بيبقى مش فاهم بردو يعمل إيه هو كمان يعني يقطّع شراينه ولا ايه لائما بنعاقب عقاب مالهوش علاقة بالمشكلة أصلًا !! وبردو بنلاقي المشكلة اتكررت تاني ونفضل نلف في الحلقة المُفرغة الجميلة دي
عشان كدة جبنالكم قصة : آسف ليست حلًا
اللي فيها " مشمش " بيعمل أخطاء زي أي طفل ، وبيعتذر بعدها بس ساعتها ماما بتوجهه إن آسف ليست حلًا وإنه لازم يفكر في حل للمشكلة ،
القصة بتدور على مبدأ تحمل العواقب وليس العقاب وعلى قاعدة فقهية معروفة : " مَن أفسد شيئًا فعليهِ إصلاحه " طريقتها سهلة جدًا وتنفع أوي من سن صغير كمان