قصة إيمو وسيمو🤖

القصة الجميلة اللي وانت بتقرأها تحس إنك بتتفرج على فيلم كرتون 😍

من رسوماتها وألوانها المبهجة وفكرتها الجديدة 🤗

بتحكي القصة عن الأم اللي قررت تجيب روبوت يساعدها في البيت 😍 ( يا بختها بصراحة) 🤭😂

وإيمو بطل القصة مكنش مهتم في الأول 🙈 (طبعا هو فارق معاه حاجة ) 😫

ولما جه الروبوت أسيمو قرر إيمو يسميه شوكت 🤭 بس الروبوت زعل من الإسم 😂

وواحدة واحدة بدأ الروبوت يعمل كل حاجة في البيت 😍 (يا بختك يا أم إيمو) 🤭😂

ومع الوقت بدأ إيمو يحس إن الروبوت بيقوم بجميع أدوار مامته لدرجة إن مبقتش تشاركه

تفاصيل كتير في حياته زي الأول (طبعا أومال هنسيب أم إيمو تتهنى للأخر !)😂

لأن الروبوت قايم بكل أدوارها

ودا كان سبب إن يحصل فجوة ما بينهم ومافيش أوقات مشتركة بقت بتجمعهم

ومع الوقت إحساس إيمو بالوحدة بيزيد وحزنة كمان بيزيد لأن عايز مامته تكون معاه زي الأول

💥وعجبني في الصفحة اللي بتعبر عن حزنه اللوحات اللي معلقها على حيطة الغرفة بتاعته

لأن لما ركزت فيها لقيتها كلها عن فلسطين ❤️

ودي لفتة جميلة أوي من الرسام إن حتى لو القصة مش عن القضية لكن برضو مش ناسينها 🥰❤️

المهم إيمو صارح مامته بمشاعره وقررت تاخد خطوة صعبة علشان ترجع علاقتها بإبنها ، يا ترى إيه هي .. !؟

🌸القصة هنتعلم منها إزاي نعبر عن مشاعر الوحدة والحزن

🌸إزاي نوصل لبابا وماما إحتياجنا ليهم

🌸وهيتعلم إن إنشغال الأم عنه مش معناه إنها بعدت عنه لكنها الحياة ، ومهما حصل هيفضل حبه جواها مبيتغيرش

🌸وهتنبه الأم إن إزاي فيه تفاصيل صغيرة بتعملها مع ولادها ممكن تفرق معاهم كتير سواء في سعادتهم أو حزنهم

🌸كمان هتجذب الصغار المحبين للروبوت جدا 😁 وممكن بعد القصة نقعد نمثل إننا روبوت ونقلد طريقتهم في الكلام