سجادة السعادة 🤍
من الكتب اللي أول ما قرأتها حسّيت إن فكرتها مختلفة فعلًا!

الكتاب بيعرّف الطفل على صلوات مش دايمًا بنلاقيها متقدمة له في قصص الأطفال؛ زي صلاة الاستخارة، وصلاة الاستسقاء،
من خلال حكاية لطيفة جدًا عن بائع متجول بيلف على البيوت ويبيع سجاجيد الصلاة.

وأجمل حاجة إن السجادة نفسها بقت جزء من الحكاية؛ كل سجادة وراها دعوة، وكل دعوة وراها احتياج، وكل احتياج بيعلّم الطفل إننا نرجع لربنا في كل تفاصيل حياتنا. 🤍

كمان أسلوب الكتاب جميل ومليان سجع وإيقاع، وده مدي الحكاية روح خفيفة ومحببة للطفل، وبيخليها أقرب للقصة اللي يحب يسمعها ويتابعها

وبصراحة، الفكره عجبتني جدا حسّيتها جديدة ومميزة ؛ لأنها بتفتح للطفل باب يتعرف منه على عبادات وأدعية ممكن ما يكونش سمع عنها قبل كده، لكن من خلال مواقف قريبة من حياته.

كتاب لطيف، فكرته مختلفة…

🌿 القصه بتزرع في الطفل
🤲 يلجأ لربنا وقت احتياجه وحيرته.
🕌 تعرّفه على صلوات غير الفروض بطريقة بسيطة وقريبة.
💭 تربط كل صلاة بموقف حقيقي من الحياة.
❤️ تنمّي التوكل والطمأنينة في قلبه.
📖 تعرّفه على أدعية مرتبطة بالمواقف، مش مجرد حفظ.
🌱 تعلّمه إن ربنا هو أول من نرجع إليه في كل أمورنا.
✨ توسّع مفهومه عن العبادة وتخليه أقرب لربنا.